384 particulars impulsan el manifiesto «Pel aragonés: dixaz vivir la nuestra voz», al que tamé se i han adheriu l’Ayuntamiento de Fonz y destacaus escritors como Ánchel Conte, Chusé Raul Usón, Carmen Castán, Xavier Tomás, Fernando Romanos, Rubén Ramos, Quino Villa, Antón Lleonardo Collada y Chuan Carlos Marco.
La iniciativa, organizada d’abaix entalto per voluntarios, insta a que las formacións políticas feigan a un lau las suyas diferencias y actúen ya en la protección, promoción y defensa de la llengua viva. En ixe sentiu, recllama la impllantación de medidas decididas a las escuelas de las zonas on, como Fonz, encara i pervive bella variedat.
Manifiesto y firmas s’han remitiu a la Dirección General de Política Lingüística, a la Universidad de Zaragoza, al Justicia de Aragón y a toz los partius políticos con representación parllamentaria en Cortes.
Querim agradecé la colaboración desinteresada de toz los foncenses: esperam que esta chicota iniciativa feiga perviví la nuestra llengua.
COMMENTS